الموضوع: **..أفكار جديدة لمشاريع التخرج ..**

إقتباس

المشاركة الأصلية كتبت بواسطة بشوره اهلا بك ....<< اخيرا جت خريجه حابه اسالك كيف طريقه المشروع وهل بالامكان انفذه دون الحاجه لمهندسين لان بنات كثيرين سالتهم يقولون صعب وذا كان المشروع فيه برمجه اش افضل لغه برمجيه لتنفيذه لاني درست السي بلس بلس لكن الفيجول بيسك احلى واش رايك في الجافا سكربت مفيده في المشاريع ومشكوره على تعاونك ويانا

لا حول ولا قوة الا بالله كتبت رد طويل عريض وطاااااااااااااار لاني سويت اضافة رد وقت ماكانت امبراطورة ترد : (

يلا نعيد < تتذكر وش كتبت

حسستيني طالعة ببرنامج عالهوا : )

عشان أكون صريحة معاك ما أعتقد ممكن تنفذين مشروعك كامل بدون مساعدة
ما أبغى أحبطك أو أقلل من قدراتك .. مو القصد
ولكن اكتشفت ان اللي درسناه أبدا مو كافي لمشروع التخرج ..
وهذا الشي مو ممنوع في الجامعة طالما انه كان " استشارة " مو تسلمين المشروع كامل بالتوثيق لمهندس وتقولين دهدوله قالت ..
الاستشارة مثلها مثل النت .. أحد يمنعك تفتحين النت وتبحثين فيه للمشروع ؟
أحد يمنعك تسألين أحد أكبر منك تعرفينه ؟
الاستشارة نفس الشي ..
.
.
ثاني شي .. انتي لاتبدئين من النهاية .. تحددين لغة البرمجة بعدين تحددين الفكرة .. < لك الحرية بس أنا أنصحك ..
أول شي جمعي أفكار ببالك .. ممكن أفكار جديدة .. أو قديمة تضيفين لها وتطورين منها ..
أو أكثر من فكرة مع بعض .. أو مشروع يحل مشكله مثلا .. مثل اللي سووا التحضير في الجامعة بالبصمة .. كانت مشكله بنظرهم وأوجدوا لها حل
أو تقنية تتمنين تكون موجودة أو موجودة بس مو مطبقة عندنا بالسعودية والأهم محد طبقها كمشروع تخرج .. شغلي مخك انتي ..
بعدين خذي الأفكار وحلليها وش ممكن تحتاجين من لغات برمجة لتنفيذها ..
وتحددين قواعد البيانات اللي راح تستخدميها ..
لانو نااااااااااااااااااااااااادرا يكون في مشروع بدون قاعدة بيانات..
وكمان في شي مهم ..
انتبهي لتعارض قواعد البيانات مع لغات البرمجة اللي راح تستخدميها ..
طبعا هذا كله أقصر طريق له .. النت أو تسألين أحد فاهم .. أو مهندسين < بأنطرد من المنتدى بسبب ذا الكلام ..

امممممممم
كمان نصيحة مني .. لاتقولين بأختار فكرة ضخمة ومشروع كبير ماصار ولا حصل ..
بالعكس دوري فكرة تقدرين تتقنينها وبنفس الوقت مو صعبة عليك ..
مثلا بتاخذي نظام مستشفى < طبعا هذا المشروع قديم أكل عليه الزمان وشرب بس كمثال ..
اذا فكرتي في مشروع كذا لاتاخذي المستشفى كامل .. المرضى والموظفين والصيدلية وووو
لا .. ركزي في شي واحد وطلعيه بأفضل شكل ..
لأنها نفس الشي
قاعدة بيانات مرضى
قاعدة بيانات صيدلية
قاعدة بيانات موظفين
وواجهات لها ..
مو نفس بعض ؟
بس لو أخذتيه كله بتتعبين نفسك وتتشتتين وممكن ماتقدري تعطي كل قسم حقه ..

في قروب هالسنة كان مشروعهم المدرسة الالكترونية أو شي زي كذا
لكنهم وقعوا في اللي حذرت منه ..
أخذوا المدرسة كاااااااااااااملة ..
وهي نفس موضوع المستشفى .. واجهات وقواعد بيانات ... بس تعبوا أنفسهم < وهم اللي اعترفوا بذا الكلام أنا ماجبت شي من عندي

قروبنا نفس الشي .. بالاضافة إلى فكرتنا قالوا نبغى نسوي موقع .. قلت لا .. بنتشتت ..
أصروا نسويه .. سويناه بشكل مبسط .. بس حتى في المناقشة اللجنة اهتموا بالفكرة الأساسية ولا جابوا طاري الموقع !

روحي للمكتبة في الجامعة .. ترى يحطوا نسخ من المشاريع كل سنة فيها
بس ماتقدري تستعيريها .. بس ياخذون بطاقتك الجامعية .. وتشوفيه وانت عندهم وترجعيه ..
طبعا تاخذيها من نفس الموظفات .. مو معروضه مع الكتب ..
روحي شوفي مستوى الأفكار .. وطريقة توثيقها .. دوني ملاحظاتك وراح تستفيدي كثير

بالنسبة للغات البرمجة اللي ذكرتيها .. سي بلس بلس ما سمعت أحد استخدمها في مشروع تخرج
بس الفيجوال تقريبا الكل احتاجها ولو كجزء بسيط من المشروع < مثل قروبي

والجافا سكريبت مالي فيها بصراحة ..

هذا اللي عندي .. ولو عندك استفسار أنا حاضرة ..